Hvalaskoðunarferðir frá Húsavík hófust í byrjun marsmánaðar.  Veður hefur verið þokkalegt og aðsókn með ágætum.  Tvö hvalaskoðunarfyrirtæki, Norðursigling og Gentle Giants, sigla nú daglega með ferðamenn útá Skjálfanda. Vertíðin fer vel af stað og margar tegundir hafa sést síðustu daga enda hefur æti verið mikið í flóanum og t.a.m. mikil loðna verið á ferðinni undanfarið.  Í dag sáust þrjár stórhvalategundir í einni og sömu ferðinni, langreyðar, hnúfubakur og sandreyð. Þá hafa einnig sést háhyrningar og höfrungar á Skjálfanda síðustu daga.

Langreyður á Skjálfanda. Mynd: Garðar Þröstur Einarsson