Sýningin er listræn innsetning þar sem hugurinn færir okkur aftur í minningu um fjöruferð. Gróður, sandur og skeljar eru í forgrunni en einnig leynast hulduverur í umhverfinu.
„Þörungar eru gríðarlega mikilvægir, bæði fyrir lífríki sjávar og raunar fyrir allt lífkerfi heims. Þörungar eru okkur og öllum lífverum jarðar algjörlega ómissandi. Velferð þeirra byggir á því að við berum virðingu fyrir þeim og lífríki hafsins í heild. Markmiðið verður því ávallt að vera verndun þeirra gegn skaðlegum áhrifum.“
Listamenn: Bryndís Magnúsdóttir, Marsibil Sól Þórarinsdóttir, Salóme Bregt Hollanders og Katrín Þorvaldsdóttir.
Hljóðverk: Indriði Arnar Ingólfsson.
Sýningin stendur til 31. ágúst 2024
