Hvalasafnið á Húsavík hefur nú, þriðja árið í röð, tekið við rausnarlegri gjöf frá velferðarsjóði bandarísku ferðaskrifstofunnar Abercrombie & Kent til áframhaldandi stuðnings við steypireyðarverkefnið. Í ár mættu hátt í 200 manns á vegum samtakanna til að vera viðstödd afhendingu styrksins, sem hljóðar upp á 14,320 dollara eða um tvær miljónir króna á núverandi gengi. Hvalasafnið þakkar samtökunum stuðninginn og þann velvilja sem safninu er með þessu sýndur.
